Ný frænka

Síðasta afmælisbarnið, hún Elísabet Ásta eignaðist litla systur í gær þannig að nú eru frænkurnar orðnar alls tuttugu.

Guðjón og Hulda eignuðust stelpu þann 23. september og var hún 12 merkur og 49 cm. Veit nú ekki hvort þau lesa þessa síðu en þeim er hér með óskað innilega til hamingju með litlu stelpuna.

Til hamingju með afmælið Elísabet Ásta

Næst yngsta frænkan á afmæli í dag, enginn önnur en Elísabet Ásta og er hvorki meira né minna en 12 ára í dag.

Elsku Elísabet Ásta innilega til hamingju með afmælið og við vonum að þú hafir það sem allra best á afmælisdaginn.

Klaustur

Eins og ég nefndi í smáskilaboðum hérna á síðunni fyrr í kvöld þá var gaman á Klaustri. Yndislegt veður, skemmtilegir göngutúrar, góður matur og frábær félagsskapur. Er það svo ekki bara að sama tíma að ári? Fleiri myndir hér og hér.

Til hamingju með afmælið Steinunn Lilja

Steinunn Lilja á afmæli í dag og sendum við henni hér með afmæliskveðju. Þessi frænka er einnig í stjörnumerkinu Meyjunni og einnig ekki á landinu, heldur í Malasíu með fjölskyldu sinni og stefnir á að vera þar næstu árin. Ef einhver hefur fréttir af henni endilega látið okkur hinar frænkurnar vita og berið henni afmæliskveðju frá okkur.

Kæra Steinunn Lilja innilega til hamingju með 31 árs afmælið, sendum þér heillaóskir á þessum merkisdegi.

Til hamingju með afmælið Gróa Björk

Enn ein frænkan á afmæli núna í byrjun september, í þetta skiptið er það Gróa sem býr í Noregi. Vonandi les hún þetta og ef ekki bendir vonandi einhver frænkan henni á þessa skemmtilegu afmæliskveðju.

Kæra, Gróa vonum að þú hafir það sem allra best á afmælisdaginn og til hamingju með árin sextán.